Khwab Mein Phal Dekhna Ki Tabeer in Urdu

خواب میں پکے ہوئے اور اپنے موسم کے مطابق پھل کودیکھنا اچھی علامت ہے. جو صاحب خواب کو اس کے مقاصد کی تکمیل اور محنت کے صلہ کے ملنے کی دلیل ہوسکتاہے. جبکہ بعض حالات میں ایسا خواب تنبیہی اشارہ بھی ہوسکتاہے۔جومعاملات کو کامیابی کی حتمی منزل تک پہنچانے کیلئے  زیادہ احتیاط برتنے کیلئے آگاہی ہو۔

علامہ ابن سیرین رحمتہ اللہ علیہ فرماتے ہیں کہ آلوبخارہ سرخ یا سیاہ اپنے وقت پر دیکھنا مال ملنے اور خواہشات کے پورے ہونے کی دلیل ہے۔ زرد آلو بخارہ  بیماری کی علامت ہے۔لیکن آلوبخارہ زرد، سرخ یا سیاہ ہو۔  مگرذائقہ میٹھاہو۔اس کوکھانا اسی قدر مال ملنے اورخواہشات پوری ہونےکی دلیل ہے۔بے موسم زرد آلوبخارہ کھانا رنج وغم اور مصیبت کی دلیل ہے۔ لیکن  ترش آلوبخارہ خواب میں کھانا اچھاہے۔

خواب میں امرودہرابھرادیکھنااللہ تعالی کیطرف سےرزق ملنےکی علامت ہے۔حضرت جعفر صادق رضی اللہ تعالیٰ عنہ نے  خواب میں امرود کھانے کی پانچ وجوہات بیان کی  ہیں۔۔ 1۔،مال حلال۔2۔تونگری3عورت۔4 ، مراد کا پانا ۔ 5 ، نفع

علامہ ابن سیرین رحمتہ اللہ تعالیٰ علیہ فرماتےہیں کہ امرودکا اس کے موسم پر کھاناجومیٹھااورسبزبھی ہو تو دلیل ہے.  کہ حلال مال پائےگا۔اوراگرامرود زرد دیکھے تو بیمار کی علامت ہے. لیکن اگر  امرود بے موسم اور زرد یا سرخ ہو۔ اور مٹھاس بھی ہو تو حلال مال حاصل کرے گا. لیکن ترش اور بد مزہ ہو تورنج وغم کی علامت ہے

جعفرصادق رحمة اللہ علیہ فرماتے ہیں کہ خواب میں سیب دیکھنے کی سات وجوہات حکومت،مال ودولت، کاروبار میں نفع، بیٹا، کنیز، صاحب خواب کی ہمت اور بیماری شامل ہیں.  ابراہیم کرمانی رحمتہ اللہ تعالیٰ علیہ کے مطابق خواب میں سیب خیرکی علامت ہے. ترش سیب بری خبر اور شریں خوشخبری کی علامت ہے۔

علامہ ابن سیرینؒ کہتے ہیں کہ خواب میں سیب کو دوٹکڑوں میں کاٹنا کسی شراکت  دار سےالگ ہونے کی دلیل ہے.  خواب میں سیب کی تعبیرمیں کچھ اہل  علم اسے امن کی نشانی قرار دیتےہیں. سیب کاخواب نئی امید کا مظہر ہوتاہے. خواب میں سیب نظر آنا صاحب اولاد ہونے کی خوشخبری ہے۔

حضرت ابن سیرین رحمتہ اللہ تعالیٰ علیہ نے خواب میں خربوزہ یا گرما دیکھنےاور کھانےکوبیماری سےتشبیہہ دی ہے. لیکن اگراپنے موسم پر اور میٹھا وسبزہے۔تو صحت اورنفع کی دلیل ہے۔ چھوٹا خربوزہ یاگرما بڑے  سائز والے سے بہتر ہے۔  حضرت ابراہیم کرمانی رحمتہ اللہ تعالیٰ علیہ سبز خربوزہ  یاگرما کودکھ  اور پریشانی کے خاتمے کی دلیل قرار دیا ہے۔ جس نے  بہت سے خربوزے یاگرمے اپنے سامنے موجود دیکھے۔تو یہ اس کے غم میں مبتلاہونے کی دلیل ہے ۔ حضرت جابر مغربی رحمتہ اللہ علیہ نے بھی خواب میں خربوزہ یا گرما دیکھنے کو بہت سے نفع اور عورت سے قیاس کیاہے۔اور ایسے خواب کو بڑی خوشی اور عیش کی علامت بتایاہے۔ حضرت جعفر صادق رحمة اللہ علیہ  نے خواب میں خربوزہ یاگرما دیکھنے کی  پانچ وجوہ بیان فرمائی ہیں۔ پہلی بیماری،دوسری عورت، تیسری نفع۔چوتھی غلام اور پانچویں خوش عیش لیکن شرط یہ ہے کہ موسم موافق ہوچ ہے

امام محمد ابن سیرین ؒ خواب میں درخت دیکھنے کوآدمی سے تعبیرکرتے  ہیں،جس نے خواب میں باغ دیکھا. اسے اتنے ہی آدمیوں کی مدد حاصل ہوگی جتنے درخت اس باغ میں ہوں گے. جبکہ ان  درختوں پر موجود پھل اس فائدے کی علامت ہےجو ان آدمیوں سے حاصل ہوگا. اکثر اہل تعبیر کااتفاق ہے کہ خواب میں درخت لوگوں کے درمیان ہمدردی، مہربانی اور تعاون کو ظاہر کرتے ہیں کیونکہ درخت سایہ دیتا ہے.  اور اس کی لکڑی انسانوں کو فائدہ دیتی ہے. بعض معبرین کے مطابق خواب میں پھل دار درخت کا دیکھنا حاملہ عورت پرتاویل ہوسکتاہے.   مردہ درخت  کاخواب بوڑھی عورت کی علامت ہے۔

دانیال علیہ السلام نے فرمایا ہے۔ نارنگی یامالٹاجوزرد رنگت کاخوشبودار،خوش ذائقہ اورعمدہ پھل ہےاور جنت  کاتحفہ ہے. لہٰذا خواب میں مالٹایانارنگی دیکھنا بہت اچھاہے. امام جعفرصادق رحمة اللہ علیہ خواب میں نارنگی یامالٹا دیکھنے کوچار وجوہ پرقراردیتے ہیں. پہلی بیٹا۔دوسری دوست۔ تیسری نفع۔اور چوتھی جھگڑا. علامہ ابن سیرین رحمۃ اللہ علیہ نارنگی یامالٹادیکھنابیٹوں کی خوش خبری سے تعبیر کرتے ہیں. اگرنارنگی یا مالٹے تین سے زائد دیکھے تو اتنی مقدار میں مال  ملنےپردلیل ہے. حضرت ابراہیم کرمانی رحمۃ اللہ علیہ سبزنارنگی کا خواب دیکھنے کو بعض اہل تعبیر کی رائے سے بیماری اور رنج وغم کی دلیل قرار دیتے ہیں۔

حضرت جعفرصادق رحمہ اللہ فرماتے ہیں کہ خواب میں کیلا دیکھنا تین وجہ پر ہے۔مال کی زیادتی دین کی زیادتی اور حلال کی روزی. ابن سیرین رحمۃ اللہ علیہ فرماتے ہیں۔ کہ کیلا خواب میں دیکھنا مالداروں  کے لئے مال  کی علامت ہے اوردینی رحجان رکھنے والے یاپرہیزگاروں  کے لئے دینی امور میں ترقی کی دلیل  ہے۔ کیلے کا پتا خواب میں دیکھنا بہت ہی  بہترین ہے۔اگر مالدارشخص خواب میں  دیکھے کہ اس نے کیلا لیا۔ تو یہ اس کے  مال میں اضافہ پردلیل ہے۔جوخواب میں خود کو کیلا کھاتادیکھے  دین و دنیا کا نفع حاصل کرے گا۔اگر خواب میں کیلا اپنےموسم پرکھایا. تو مالداراور خوب صورت عورت سے شادی کرنے پر دلیل ہے. جس سےخوب فائدہ حاصل ہو گ